A axenda escolar: unha ferramenta imprescindible no 3º ciclo

     Cada vez que empezamos un novo curso, aparece entre o material a comprar dos vosos fillos e fillas a axenda. 

Imaxe de cuadernodelmaestro.blogspot.com 

Pero realmente, para que serve a axenda? Pois, é ferramenta de comunicación a tres niveis: familia, escola e alumnado.

• Para os rapaces supón un paso máis na súa autonomía e organización. Non todos somos iguais de responsables co traballo, por iso apuntar na axenda é fundamental. Que escribimos?
• o horario,
• as tarefas,
• os exames e as notas sacadas, 
• os traballos a entregar,
• festivais e saídas.
• Para os pais e as nais é unha maneira de comunicarse co profesor. Para qué? 
• pedir cita ao titor,
• coñecer o horario escolar, 
• estar ao tanto dos exames e tarefas,
• ritmo escolar: falta de "deberes", material ou incidencias relacionadas coa atitude.
• Avisar sobre retrasos, permisos ou ausencias.
• Para os mestres é unha forma de informar aos pais da marcha escolar do alumnado.Que pode escribir?
• incidencias na aula.
• petición de reunión coas familias.
• notas dos exames.

   A utilización da axenda escolar debería de iniciarse en educación infantil e  ir adquirindo relevancia a medida que medran os rapaces e rapazas.