25/11/13

USO DAS TICS

Hoxe en día todos temos acceso ás NOVAS TECNOLOXÍAS DA INFORMACIÓN, mais... facemos un uso axeitado? Estamos seguros? Botade unha ollada a este enlace e comprobaredes o interesante que é saber facer un bo uso das TICS.

http://www.enlaces.cl/tp_enlaces/portales/tp921c945bco95/uploadImg/File/INTERNETSEGURA2012/manual_IS(1).pdf

17/5/13

APRENDEMOS A RELACIONARNOS

Manual creado pola Federación Española de Síndrome de Down para familias de nenos e nenas entre 5 e 10 años. Resulta unha ferramenta moi útil da que calquera pais ou nai pode beneficiarse para axudar, a través dunhas sinxelas orientacións, a que os nenos e nenas poñan en práctica, coa súa familia e amigos, habilidades de interacción social que les permitan relacionarse cada día mellor coas persoas que se atopan no seu redor. Nel explícase como o binomio casa-escola debe ir unido en harmonía, traballar cóbado con cóbado para que os nenos e nenas aprendan a relacionarse.


16/4/13

HABILIDADES SOCIAIS

Para lembrar o traballo que o alumnado do 2º ciclo de primaria, levou a cabo no obradoiro de Habilidades Sociais para a mellora da convivencia no centro, o Departamento de Orientación elaborou o seguinte LIM. Anímate a visitalo.

30/3/13

CONTOS PARA A IGUALDADE

CONTOS PARA SOÑAR UN MUNDO MELLOR, compartir en igualdade e vivir na diversidade. É un material didáctico editado pola Fundación FASAD (Asturias) para educar en valores e desenvolver a capacidade crítica do alumnado.

11/3/13

COLABORAR AXUDA A RESOLVER CONFLICTOS



A través de xogos, as nenas e nenos vivencian a mellor maneira de resolver os conflitos:
chegar a acordos e cooperar, para saír gañando todos.

7/3/13

OBRADOIRO DE HABILIDADES SOCIAIS

Neste curso comezamos un PROGRAMA DE MEDIACIÓN ESCOLAR, no marco dos contratos-programa que se están a desenvolver no noso centro. Trátase dun programa dirixido á mellora da convivencia escolar e abrangue a toda a comunidade educativa: alumnado, familias, profesorado...
Nunha primeira etapa, estase levando a cabo un Obradoiro de Habilidades Sociais co alumnado de 4º nivel. Os venres, despois do recreo, achéganse ao cole Bibiana e Irene que, a través de técnicas como o modelado, xogos de rol, actividades de expresión, dinámicas de grupo, … tratan de proporcionar aos nenos e nenas unha formación básica para o desenvolvemento de habilidades comunicativas, a resolución dialogada dos problemas, e os recursos prácticos necesarios para a mediación en conflitos.
Podedes ver algunhas fotos das diferentes sesións, nas que os rapaces elaboran as normas de convivencia, interactúan, analizan condutas, sentimentos, sempre fomentando a reflexión e o traballo cooperativo.
.